منتدى الخليج | منتديات الخليج | منتدى الخليج التجاري

الضيق في صدري كسر حاجز الصمت

فجـر براكيـن الكـلام وحكـانـي

ماطاب لي خاطر حسافـه ولا نمـت

كلـه سبايـب همـي اللـي حدانـي

البارحـه مليـون مــره تالـمـت

داويت جرح وبان لـي جـرح ثانـي

ماهي غريبه لاانجرحـت وتبسمـت

دام الوفـا مالـه مكـان ومـوانـي

والكلمه اللي لاطـرت بالخفـا قمـت

لاجيـت بنطقهـا يعـانـد لسـانـي

حـار الكـلام بداخلـي ماتكلـمـت

كـن الكـلام يزيـد هـم المحانـي

أشيـاء واجـد تـو منهـا تعلمـت

اشره على نفسـي واعانـد زمانـي

درس الزمن خذيـت منـه وتفهمـت

ياكثر مـا أخـذ منـي ولا عطانـي

ابوس راسك يازمـن لـو تكرمـت

كافي ولـك منـي جزيـل امتنانـي

أثر الكلام احيـان يغتالـه الصمـت

وأثر اللسان أحيـان ماهـو لسانـي

اتمنى تعجبكم ..~:33: