منتدى الخليج | منتديات الخليج | منتدى الخليج التجاري

اصبـر وصابـر يالله اليـوم خيـره
تعبت اردد كيـف وشلـون او ليـه
والقلـب حبـه هـو ماحـب غيـره
الجرح يكبـر مالقـى مـن يداويـه
والعين تبصـر بـس يـدي قصيـره
تعبت انا اوصف حلم باول خطاويـه
وتعبت اشوف طيور حلمـي كسيـره
وتعبت اضمه في خفوقـي واناديـه
وتعبت اشم المـوت بأزكـى عبيـره
ياصاحبـي ياليتهـا دمـع وابكـيـه
او ليتها سـر(ن) توفـى فـي بيـره
الدمع يسهـر مـع جفونـي تحاكيـه
والرمش زرع مسكنـه فـي غديـره
القلب وشو القلـب خابـت هقاويـه
يقطعـك ياوقـت عجزنـا نـديـره
خـل الكـلام اللـي تعبنـا نجاريـه
واسمع كلام جـاك مـا فيـه غيـره
وقف معي لحظه بقى شـي بحكيـه
وقف مـدام الـدرب وقـف مسيـره
بقول لك ابيات مـن حـزن اعانيـه
نما معـي مـن فقـد انثـى غريـره
شفت المكان الـي انـا دايـم اجيـه
هنـاك التقينـا يـوم عينـي قريـره
كل مـا اجيـه اتذكـر انـي الاقيـه
واليوم اجيـه ونـار قلبـي سعيـره
هناك بحنان الشـوق ضمتنـي ايديـه
وهناك افترقنا بيـوم محـدن يجيـره
هذا الاسيـر وطـاح بأغـلا امانيـه
هذا الاسير وضـاع حتـى مصيـره
وقف وحاول بـس ماتـت مماشيـه
ومن صدمتـه ماعـاد شـي يثيـره
قلي امانه هـو بقـى شـي نرجيـه
قلـي كلامـك بـس قلـل كثـيـره
تدري وش الي صار بأخـر مئاسيـه
طاح الاسير ومات بأرض الاسيـره
وتدري وش الي ساق قلبي لماضيـه
عطرن بقلبـي ينتشـي بـي عبيـره
وتدري وش اجمل حب يظمن خطاويه
حب الفقير اليـا هـوى لـه فقيـره