الطيب لاتستغربه من هـل الطيـب
للنـوم عشاقـه وللمـجـد نـاسـه
أشره على اللي يدركون المواجيـب
وكلن على جسمـه يفصـل مقاسـه
والذيب يبقى مع مرور الزمن ذيـب
تعجبـك هداتـه وعزمـه وباسـه
والحر يعشـق عاليـات المراقيـب
متشابهيـن بالفـعـل والفـراسـه
لله درك يالضـلـوع المحـاديـب
شلتي معـي همـاً تعـدى قياسـه
اضحك ومن خلفك جروح معاطيب
احـس فيهـا وادّعـي بالونـاسـه
والله لعنّي عاذلـي قبـل لا اشيـب
وآخذ من الواجب سنامـه وراسـه
ماغيب عن واجب هل الطيب ماغيب
اليا دعوني جيت شـوق وحماسـه
كلمة هلا مـن حبنـي والتراحيـب
تسوى الذهـب كلـه ودرّه وماسـه
ـرـآقـت لي،،
hg'df ghjsjyvfi lk iJg hg'dJf >