لايسعني..في الاصرار على صدك..
إلا أن أراكِ...بطريقة أو اخرى
فلم تعد الأحلام لقاءنا
لأن النجوم...تعرف مواجعي!!
أمس العصر مرّت علينا سحابـه
جادت بها ريح الشتا وامطرتنـي
هتّانها شَرّع من الشـوق بابـه
ورياحها باقصى الحشا ذعذعتني
برّاقها صـوّر وليفـي وجابـه
واستانس الوجدان يوم ارعدتني
كَنّـه ينادينـي وانـا بالاجابـه
أطوي دروبٍ يم حضنه دعتنـي
سجيتها رحلـة عظيـم المهابـه
كني زعيـمٍ والبشـر توجتنـي
أمشي وخفّاقـي يزيـد التهابـه
تمشي معي غيمة شتا خايلتنـي
واقبل وتلقاني بصـدر ورحابـه
بالمرحبـا وبعينهـا قلّطتـنـي
واسهر لها فله وضحك ودعابـه
بشفاتها واحلـى نغـم نادمتنـي
تاخذ وتعطيني عـدود الصبابـه
واقرب من الهمسه عيونٍ سرتني
واسري وقلبي ثابتٍ في جوابـه
معشوقتـي وبدمعهـا ودعتنـي
و اقفي على دربي بـهم وكآبـه
فارقتهـا واحزانهـا رافقتـنـي
يوم انتبه عقلي و رَجّع صوابـه
وتلاشت بروحي وصوفٍ خذتني
أثري تخيلت الغضي في غيابـه
مكنون غيمه فالشتـا صاحبتنـي
ليت الغيوم اللي تشكّـل غرابـه
تعكس تواصيفٍ لك الله برتنـي
لجل ان حظي صايرٍ في سحابـه
لكنها حنّـت علـي وامطرتنـي