ماكل جرح يطيب من عذر عادي
وماكل غلطه عذرها اليوم مقبول
عيش وتحمل غلطتك في بعادي
انت ولا غيرك من البعد مسئول
ياما نصحتك لاتمادي في عنادي
بس انت ماينفعك نصح او قول
كم قلت خليك عادي وهادي
لو مانصحتك قبلها كان معقول
انا كذا عندي حدود ومبادئ
ومن فضل ربي مامعي فكر مشلول
اشوى اني ماحطيت فيك اعتمادي
ولا زماني كنت في وضع مجهول
ضحيت في حبي ووسمة فؤادي
ومشيتني في عرض الايام بالطول
واجبرتني اقبل عزاي بفؤادي
اعيش وانا شايل قلب مقتول
فكرت اجر الصوت لجلك وانادي
لقيت مابه شيء يستاهل القول
قلت ابتعد واقول خطوة بعادي
واقول عن فرقاك شدهـ وتزول
وخل العناد وطول التمادي
يبقون في قلبك مكاني على طول
lh;g [vp d'df lk u`v uh]d