منتدى الخليج | منتديات الخليج | منتدى الخليج التجاري - قالوا وش اسمه ؟... قلت للسر كاتم ومحد يبين للعواذل رفيقه

قالوا وش اسمه ؟... قلت للسر كاتم ومحد يبين للعواذل رفيقه

جوني هلي وانا افكر وساهم
على الذي روحي لروحه شفيقه

قالوا تنام قلت ماني بنايم
خلوني اريح افكاري دقيقة

قالوا هواوي قلت والقلب هاوي
ومن الهوى قلبي جروحه عميقه

قالوا تمشى قلت ماني بقايم
حالي قضى وافراق خلي مااطيقه

قالوا تفكر قلت الافكار دايم
والصدر فيه من الغرابيل ضيقه

طير السعد في جونا كان حايم
واليوم في صدري كتمت الحقيقه

حقيقة من مرها عشت صايم
مات الامل والقلب بأول طريقه

قالوا تبات وتترك الزاد صايم
قلت آه من خل كما الشهد ريقه

قالوا حزين وعندك الجو غايم
قلت آه له روحي ودمي بريقه

قالوا مسافر قلت ويعود سالم
الله يسهل ياهلي له طريقه

قالوا وش اسمه قلت للسر كاتم
ومحد يبين للعواذل رفيقه