بعدك الحلم منّي تاب !

بعدك الحلم منّي تاب !

رمتني ضيقتي لأرضك ولامدّيت أفكّ الباب
أخاف أقول : "وشلونك" / يقابلني برودك ردّ

تغيب وتلحق عيوني كحل من موجع الغيّاب
تعود وكلّ شيٍ في سواليفك رماني صدّ

ومقصوده ولو تدري إذا بثّيت شي عتاب
قصدت تشوفني دونك ترخّي نبض قلبي شدّ

وإذا تبغى وجوعي عدّ: من أول رحيل أحباب
إلى موت الصديق وغربة الإحساس لو بتعدّ

على كاهل علاقتنا : توفاني شعور أغراب
حسبت إنّي لقيت العمر لكنّ .. برحيل انهد

لقيت برحلتك من غاير أحزاني وجوع أصحاب
أحبْهم من محبّتهم أحسّ إنّي فقدت بجدّ

تركت الحبّ في كفّ الحنين ومات بي كذّاب
رويته من دما قلبي ولكنّه لفظني جحدّ!

خسرتك ، مير ماحسّيت في رجعتك لي كتَاب
كأنّي عابر بقلبك بطل قصة حكاية قدّ

أحبك قلتها وأخطيت يوم إنّك نويت غيَاب
رحلت وخاطري عطشان حبّك ماتجاوز حدّ

وخذتك موطن لحلمي بعدك الحلم منّي تاب
ولاتبتك ولكنّك بنيت السدّ فوق السدّ!

تبي تعرف وش الحاصل بعد هالوقت والأسبَاب؟
نبَضْتك في ضلوعي حُبّ ماله في خفوقي ندّ !

وذا أوّل نفس طوّل على لحن الحزن منصاب
يبدّد كذبة احساسي يعيشَ الأمس مات الغد !

المصدر: منتدى الخليج | منتديات الخليج | منتدى الخليج التجاري

---

fu]; hgpgl lk~d jhf !

وخذتك موطن لحلمي بعدك الحلم منّي تاب
ولاتبتك ولكنّك بنيت السدّ فوق السدّ!

تبي تعرف وش الحاصل بعد هالوقت والأسبَاب؟
نبَضْتك في ضلوعي حُبّ ماله في خفوقي ندّ !

كلمااات قمة في الرووووعه

احساااسها حيييل عذب

لآمست احاااسيسي بتميزها

يعطيك العاافيه ع الطرح الراقي

ماننحرم جديدك يآآآرب

لك ودي ..~

كلمات قمة في الروووعة
صح لسااان قايلها
وسلمت ايد ناقلها